ദുബായ്: ശ്രീലങ്കക്കെതിരായ സെഞ്ചുറി പ്രകടനത്തോടെ ഐസിസി ടെസ്റ്റ് റാങ്കിംഗിൽ മുന്നേറ്റവുമായി ഇന്ത്യൻ താരം ദേവ്ദത്ത് പടിക്കൽ.
ബാറ്റർമാരുടെ റാങ്കിംഗിൽ അഞ്ച് സ്ഥാനങ്ങൾ മുന്നേറി താരം 54-ാം സ്ഥാനത്തെത്തി. ശ്രീലങ്കയ്ക്കെതിരായ രണ്ട് ടെസ്റ്റുകളുടെ പരന്പരയിൽ രണ്ട് സെഞ്ചുറി അടക്കം 328 റണ്സ് നേടിയതാണ് താരത്തിന് നേട്ടമായത്.
അതേസമയം ഇന്ത്യൻ ക്യാപ്റ്റൻ ശുഭ്മാൻ ഗിൽ രണ്ട് സ്ഥാനങ്ങൾ ഇറങ്ങി ഒന്പതാം സ്ഥാനത്തേക്ക് വീണു. ഏഴാം സ്ഥാനത്തുള്ള വിക്കറ്റ് കീപ്പർ ബാറ്റർ ഋഷഭ് പന്താണ് ഇന്ത്യൻ ബാറ്റർമാരിൽ ഒന്നാമത്.
ഓപ്പണർ യശസ്വി ജയ്സ്വാൾ 11-ാം സ്ഥാനത്ത് തുടരുന്നു. ഇംഗ്ലണ്ടിന്റെ ഹാരി ബ്രൂക്ക് ഒന്നാം സ്ഥാനത്തുള്ള റാങ്കിംഗിൽ ഓസ്ട്രേലിയയുടെ സ്റ്റീവ് സ്മിത്താണ് രണ്ടാമത്. ഒരു സ്ഥാനം താഴേക്കിറങ്ങിയ ജോ റൂട്ട് മൂന്നാം സ്ഥാനത്താണ്.
പരിക്കിനെ തുടർന്ന് ശ്രീലങ്കക്കെതിരായ പരന്പരയിൽ കളിക്കാതിരുന്ന പേസർ ജസ്പ്രീത് ബുംറയ്ക്ക് ബൗളിംഗ് റാങ്കിംഗിൽ തിരിച്ചടി നേരിട്ടു. രണ്ടാം സ്ഥാനത്തുണ്ടായിരുന്ന ബുംറ മൂന്നാം സ്ഥാനത്താണ്. ഓസ്ട്രേലിയയുടെ മിച്ചൽ സ്റ്റാർക് ഒന്നാം സ്ഥാനത്ത് തുടരുന്പോൾ ന്യൂസിലൻഡിന്റെ മാറ്റ് ഹെൻറി ബുംറയെ മറികടന്ന് രണ്ടാം സ്ഥാനത്തെത്തി.
Deepika
E-paper LOGIN
LOGIN
